Unha das seccións totalmente definidas que constitúe MATA FORVIAL é a destinada á formación viaria e que define, propiamente, a autoescola. Está dedicada a impartir todos os permisos de condución relativos a turismos (B, B96 e B+E), camións (C1, C1+E, C e C+E), autobuses (D1 e D), motocicletas (A1, A2 e A) así como ciclomotores (AM e AML), sen esquecer os vehículos agrícolas (LVA). Para isto conta cun equipo de profesores, totalmente cualificado e especializado, en continuo proceso de formación e adaptación ás novas fórmulas pedagóxicas e de docencia.

Coñecidos somos polos prezos competitivos que ofertamos dos nosos servizos (tal e como reza o noso slogan: “Autoescola Mata, a máis barata!”), porén tamén o somos pola nosa metodoloxía. En dous día dáse o curso teórico para obter o permiso B, e en catro días máis o alumno xa está listo para se examinar. Segundo as estatísticas, o 98% dos nosos alumnos supera a teórica no primeiro expediente, polo que estes resultados nos sitúan entre as autoescolas con maior índice de aprobados da comunidade galega e, loxicamente, da cidade compostelá.

Contamos con 5 centros de ensino localizados nos lugares idóneos e cómodos dos concellos de Santiago de Compostela, Santa Comba e Tordoia. Todos están dotados dunhas instalacións e infraestruturas técnicas e tecnolóxicas acordes ás necesidades actuais da sociedade, polo que nos fan estar entre as autoescolas máis recoñecidas do norte de Galicia. Salas totalmente confortables e climatizadas, postos informáticos provistos de pantallas táctiles e un software periodicamente revisado e actualizado, medios audiovisuais de última xeración, canóns de proxección, amplo e diverso material didáctico… sérvennos de aval, e así mesmo de proba tanxible da carreira que hai anos emprendemos nos eidos do continuo desenvolvemento e a innovación.

En Compostela, as prácticas de condución realízanse por todo o tecido urbano da cidade, así como no circuíto pechado do Recinto Feiral de Amio.

 

* Prezos aplicados so a Santiago de Compostela

QUE NECESITAMOS PARA INSCRIBIRNOS?